I september i år reiste me 3 vennepar til Piemonte på årets vintur. Me flydde til Milano MXP, der me blei henta av sjåføren vår. Turen frå Milano til Barolo, Piemonte tok ca 2 timar.
Denna turen var primært for å eta god mat, smaka på lokal vin og sjå koselige landsbyar. Alt detta fekk me oppfylt, og litt til! Detta var ei eventyr! Me budde i Barolo som er ein verdenskjent by når det kjeme til god vin! Avstandane til dei andre landsbyane var kort, ein kjøretur på ca 10 min var me i ein ny vakker landsby.
Dag 1:
Ankom Barolo og losjerte oss inn på leiligheten Asilo. Fekk ein veldig god boble til velkomsdrink, før me gjekk ut i Barolo`s gater for litt lunsj. Me gjekk inn på den første og beste restauranten, Petti`t Bistrot Servitøren viste oss opp i andre etg, men me ville sjølvsagt sitta ute. Snakk om ein fantastisk utsikt me fekk! Berre sjå på bildene under. Her satt me på rekka bortover og nytte eit deilig måltid mens me skua utover vinrankene. Maten var heilt topp, me åt litt forskjellig pasta og kjøtt, og fekk sjølvsagt smaka på deilig vin frå området. Mette og gode rusla me rundt i Barolos sjarmerande gater. Det var ein liten landsby så ein rekker over byen på kort tid. Me var innom ein vinbutikk og fekk kjøpt med oss litt vin og noko attåt, før me gjekk til leiligheten for ein middagskvil. På kvelden hadde eg booka ein restaurant som ligger i gåavstand frå leiligheten; Osteria La Cantinella. Der var det kjempe koselelig, og servitørane var hyggelige. Det var heilt fult på restauranten. Me skjønte kvifor etterpå, for det var ikkje mange opne restaurantar i Barolo på kvelden. Etter middagen rusla me litt rund i Barolo, heilt stille i gatene. Me sov godt i leiligheten, heilt rolig!
Dag 2:
Etter ein morgenkaffe med litt attåt på altanen rusla me bort i sentrum og fant frukostkafèen DiVin Cafè, som me hadde fått anbefalt frå vertane på Asilo. Der satt me å såg på dei lokale som var ute å drakk morgenkaffien sin. Så blei me henta av sjåføren vår som tok oss med til vingården til Pietro Rinaldi. Ca 20 min å kjøra mot Alba. Vingården låg oppå ein topp med flott utsikt over det flotte vinlandskapet! Me fekk eit glas bobler til velkomst. Eg hadde bestilt vinsmaking med litt smått attåt, det blei vel meir mat og vinparing, med 5 vinar og 5 retter. Dei fleste rettane var veldig gode, eit par av dei var litt merkelige ;) Men det var så stemning å sitta der ute og berre kosa oss i herlege omgjevelsar! Dei har nokon rom der òg, så mulig å overnatta der. Eg møtte Mr Rinaldi på Fauno restautant på Gjøvik i vinter og fekk kontaktinformasjonen hans der.
Sjåføren vår kjørte oss til ein ny vakker landsby, Monteforte de Alba, altså det var drops for augo! Det var berre å gå rundt i gatene å sjå, altså så vakkert med dei ulike fargane på husa som slynga seg oppover. Me gjorde ein stor feil, og det var å ikkje booka bord. Så då blei det ein heilt nedpå pizza restautant som heiter Pizzeria in Piazza. Sjåføren kjørte oss tilbake til leiligheten på kvelden. Har nevnt nokon restauranter i Monteforte de Alba lenger ned i innlegget.
Dag 3:
Me hadde tatt med oss restane frå gårsdagens pizza så det blei ein god frukost på altanen i leiligheten med ein lille mimosa attåt. Perfekt start på dagen der me satt å skua utover vinrankene. Etterpå gjekk me bort til sentrum og såg oss litt om og gjekk opp på takbaren Borgogno med ein faktastisk utsikt over Piemonte. Så gjekk me ned til vingården Diego & Damiano som ligger 5-10 min gåtur frå Barolo sentrum. Der fekk me omvisning i den flotte vinkjellaren! Me fekk grundig innføring i korleis dei lagar vinen. Han fortalte med innlevelse og glede! Detta kunne dei! Så var det dags for smaking i lokalet. Me fekk smaka på 5 forskjellige viner og me fant nokon favoritter som blei med oss heim! Vinsmakingen var gratis så lenge me kjøpte me oss vinen heim, viss ikkje kostar det 20euro. Vel verdt det! Me har lært ein ting når me er på vinsmaking, og det er å ikkje stilla spørsmål før vinen er skjenkt oppi glaset ;) Ellers kan det ta litt tid før me får smaka, for han var så kunnskapsrik og ivrig på å fortella om vinen, produksjonen og området :D
Etter smakinga stod sjåføren klar og han tok oss med La Morra som er ein litt større og meir populær landsby. På kjøreturen opp til La Morra fekk me vinrankene på nært hold, og såg det flotte landskapet med vinranker og landsbyer! Altså sjå på den utsikten frå toppen av byen!! Små koselige gater med nisjebutikker og enoteca. Me satt oss ned på nokon av dei og smakte på litt vin, Vineria Sociale og Vicino DiVino for å nevna nokon. Så masse godt og så koselige plasser! Me fekk kjøpt med oss litt oljer og pasta frå delikatessebutikkane. Middagen hadde eg booka på Uve Rooms & Wine bar, det er nok ein av dei mest populære restaurantane i La Morra, det skjønnar eg, for det var veldig god mat og god service. Det er òg ein overnattingsplass. Sjåføren vår hadde mange oppdrag, så han stod klar når me hadde avtale og kjørte oss heim til leiligheten.
Dag 4:
Me våkna opp til regn, men det gjorde ingenting for me skulle reisa heim. På altanen som var overbygd fekk me servert frukost frå vertane på leiligheten. Då var det berre å pakka og sei farvel til Elisa, ho hadde virkelig gjort så me fekk eit supert opphald på Asilo in Barolo. Sjåføren stod klar for å frakta oss til flyplassen. For ei vin eventyr me har hatt!
Eg hadde booka ein flott leilighet til oss i Barolo, Asilo in Barolo, den var ny i år. Det tok kun eit par min å gå til streeten i Barolo, med restauranter og koselige enoteca. Den var romslig med 3 soverom med tilhøyrande bad. Det siste rommet hadde kjøkkenkrok, så der var det ikkje fult så privatliv, men det gjekk fint for oss. Det var ein stor altan med sittegruppe og spiseplass. Her hadde dei lagt vekt på interiør og hadde ein stilig finish på heile leiligheten. Vertane Elisa og Francesca var så hyggelig og behjelpelig både i forkant og under opphaldet. Så uten dei så hadde ikkje turen blitt så bra! Eine dagen fekk me servert frukost i leiligheten. Me kosa oss med den på altanen. Viss me skal setta fingeren på ein ting, så var det at det ikkje var sofa/lenestolar. Etter ein dag på farten med masse god mat og vin kunne me tenka oss å synka ned i sofaen før me skulle finna senga. Eg anbefalar denna leiligheten på det sterkaste!
Tips og praktisk informasjon:
Overnatting:
Leilighet Asilo in Barolo der me budde.
Hotel Barolo - Barolo
Uve Rooms & Wine bar -La Morra
Restauranter og vinbarer
Petti`t Bistrot -Barolo
Osteria La Cantinella -Barolo
DiVin Cafè frukostcafè -Barolo
Borgogno Takbar -Barolo
Uve Rooms & Winebar -La Morra
Vicino DiVino Enoteca -La Morra
Vineria Sociale Vinbar og restaurant -La Morra
Felincin restaurant - Monteforte de Alba
Le Case della Saracca -Monteforte de Alba
Osteria dei Cátari - Monteforte de Alba
(Desse restaurantane som eg har lista opp her, som me ikkje var på, har eg fått anbefalt av både sjåføren og vertane på leiligheten),
Vingårder:
Diego & Damiano - 5-10 min gåavstand frå Barolo
Peitro Rinaldo - Litt utanfor Alba, 20 min kjøretur frå Barolo
Transport:
Taxi:https://www.taxiservicenccvalsusa.it/ Våre sjåførar heit Franco og Rosario. Kontakten foregjekk på WhatsApp. Pålitelige sjåførar og greie prisar. T/tr MXP- Barolo for 8 seter van : 600 euro, ca 2 timer. Me brukte dei på all transport der nede.
Du finner ikkje taxi på gata, så det må bookast i god tid i forveien, isåfall i høgsesong
Fly til Milano MXP, direkte med Norwegian og SAS.
Tips
Beste tid å reisa- hausten august-oktober
Husk å bestill bord til middag, det er ikkje så mange restaurantar i sentrum og dei fleste er booka.
Dei aller fleste plassane tar kort, finns minibank der.
Tips er ikkje inkludert på restaurant, så fint å ha med kontanter
Ha gode sko, det er brustein og nivåforskjeller
Vinmuseumet i Barolo er fint å besøka.
Leigebil anbefalast om du vil sjå masse av områda, og ikkje har behov for å drikka vin.
Detta var ein privat tur der ruta var lagt opp av meg med god hjelp frå dei koselige vertane på Asilo in Barolo. Det er ikkje lett å finna ut kor ein skal reisa, kva restaurantar som er bra, og kva landsby ein bør bu i. Men eg må sei at valget med å bu i Barolo var heilt topp! Flybillettane bestilte eg på Norwegian i god tid, og fekk greie prisar. Eg booka ein leilighet i Alba først, men det følte eg ikkje var riktig, så fant me heldigvis denna leiligheten i Barolo, og hadde det heilt topp! Har du spørsmål om turen, send meg gjerne ein melding på sosiale medier eller info@reisermedglede.no
Håpar du blei frista til å ta turen til Piemonte!
Comments